Rusiya və Gürcüstan arasında Cənubi Qafqazda təhlükəsizlik və stabilliyə dair danışıqların növbəti mərhələsi oktyabrın 14-də keçiriləcək. Bu barədə qərar Cenevrədə baş tutan danışıqların nəticəsi olaraq qəbul edilib.
Növbəti dəfə uğursuz başa çatan danışıqlardan sonra Rusiya və Gürcüstan tərəfi belə qərara gəlib ki, ortaya çıxarılan sənəd layihəsinə növbəti danışıqlara qədər əlavə və dəyişikliklər edilsin.
Qeyd edək ki, Cenevrə danışıqları 2008-ci il avqust hadisələrindən sonra BMT, Avropa Birliyi və ATƏT-in himayədarlığı altında iki ölkə arasında münaqişədən sonra regionda sabitliyin bərqərar edilməsi məqsədilə başlansa da hələ ki, konkret bir nəticə hasil edilməyib.
